Բրոնքսի նյույորքյան կենդանաբանական այգին առաջարկում է արտասովոր նվեր անել Սուրբ Վալենտինի օրվա կապակցությամբ՝ սիրելիի անունը տալ 58 հազար խավարասերներից մեկին,- հաղորդում է Ria Novosti գործակալությունը:
«Կան մի քանի պատճառներ, ըստ որոնց, խավարասերին տված ձեր սիրելիի անունը հիանալի նվեր կլինի նրա համար. խավարասերները բծախնդիր չեն, նրան ուժեղ և բեղմնավոր են»,- հավաստիացնում են կենդանաբանական այգու աշխատակիցները:
Առավելությունների թվում վերջին տեղը չի զբաղեցնում այն հանգամանքը, որ նվերը շատ հասանելի է՝ ընդամենը 10 դոլար: Կենդանաբանական այգու ստացած գումարը ուղղվելու է շրջակա միջավայրի պաշտպանությանը: Անունը նվիրել հնարավոր է միայն Սուրբ Վալենտինի օրը: Կենդանաբանական այգու աշխատակիցները նշում են, որ բնավ պարտադիր չէ, որ դա լինի սիրած մարդու անունը, հնարավոր է նաև ճիշտ հակառակը:
Մադագասկարյան խավարասերները կարող են հասնել 8սմ երկարության: Անազատության մեջ նրանք ավելի երկարակյաց են, քան ազատության մեջ:
