Samsung-ի նորագույն ֆլագմանային Galaxy S6 Edge կոր եզրերով դիսփլեյով սմարթֆոնի ինքնարժեքը ամենաբարձրն է ընկերության բջջային սարքերի շրջանում:
Ինչպես պարզել են IHS iSuppli ընկերության փորձագետները, որոնք ուսումնասիրել են 64 գիգաբայթ հիշողությամբ մոդելների պարունակությունը (ԱՄՆ-ի Verizon Wireless բջջային ցանցի համար), մեկ S6 Edge-ի արտադրությունն արժենում է 290 դոլար՝ ներառյալ բաղադրիչներն ու հավաքումը։ Այս մասին գրում է Re/code-ը: Դա մոտավորապես 34 դոլարով ավելի է Samsung-ի անցած տարվա ֆլագմանից՝ Galaxy S5-ից:
Բացի այդ՝ IHS iSuppli-ի փորձագետները S6-ը գնահատում են ավելի թանկ, քան iPhone 6/6 Plus-ը (263 ու 247 դոլար համապատասխանաբար):
ԱՄՆ-ում 64-գիգաբայթանոց S6 Edge-ը վաճառվում է 699 դոլարով՝ առանց օպերատորական պայմանագրի:
S6 Edge-ի ամենաթանկ բաղադրիչը կորացված եզրերով դիսփլեյն է՝ պարզել են IHS-ում:
