Երեքշաբթի օրը Բրազիլիայի հնդկացիները երկրի մայրաքաղաք Բրազիլիայում կոնգրեսի շենքի մոտ վրան են խփել՝ ի նշան սահմանադրական բարեփոխումների դեմ բողոքի, որը, նրանց կարծիքով, սպառնում է իրենց հողերին: Այս մասին գրում է RIA Novosti-ն:
Ակցիային մասնակցում են Բրազիլիայի մոտ 1.5 հազար բնիկ բնակիչներ, որոնք ներկայացնում են երկրի մոտ 200 էթնիկ խմբեր: Նրանք երգում են ծիսական երգեր և պարում խորհրդարանի մոտ, իսկ նախարարությունների և գերատեսչությունների շենքերի առջև՝ մարգագետնի վրա, խփել են վրաններ: Ակցիան կտևի մինչև ուրբաթ:
Հնդկացիների դժգոհության պատճառը իշխանությունների՝ հողերի սահմանազատման լիազորությունները գործադիր իշխանությունից օրենսդրին փոխանցելու ծրագրերն են։ Այդ հողերը պատմականորեն բնիկ բրազիլացիներն իրենց սեփականությունն են համարում:
