Իսպանացի ոստիկանները վտանգավոր օտարեկրացի հանցագործի ձերբակալության գործողություն են իրականացրել, որը թաքնվել է Կոստա-դել-Սոլում: Քաղաքացիական գվարդիայի աշխատակիցները ձերբակալել են նեապոլիտանական կամորրա մաֆիայի առաջնորդներից մեկին` Լուսիո Մորրոնեն Սպալլուցելլա մականունով: Նա հեռակա կարգով դատապարտված է երկարատև ազատազրկման, հայտնում է Քաղաքացիական գվարդիայի պաշտոնական կայքը:
53-ամյա Մորրոնեն իտալացի ամենավտանգավոր հանցագործների թվում է, որոնց նկատմամբ միջազգային հետախուզում է հայտարարվել: Նա 5 տարի թաքնվել է արդարադատությունից:
Հետաքննիչների տեղեկությամբ՝ Սպալլուցելլան Teste Matte կլանի առաջնորդն է: նա խմբավորումը ղեկավարում է 2008 թ. դեկտեմբերից, երբ ձերբակալվել է նրա նախորդ Պաոլո Պեշեն:
Մորրոնեն մեղադրվում է թմրանյութերի առևտրի և շորթման համար: Նեապոլի դատարանը նրան հեռակա կարգով 20 տարվա ազատազրկման է դատապարտել:
Մորրոնեն նույնականացվել և ձերբակալվել է ապրիլի 10-ին: Նա իր մոտ ունեցել է ուրիշի անունով իտալական կեղծ անձնագիր:
