Վեսթ Սայդում գտնվող Կլարքս բար կեսգիշերվա մոտ ներս է վազել մոտ 20 տարեկան սպիտակամորթ երիտասարդ՝կիսադիմակով։ Այդ պահին այնտեղ են գտնվել բարի աշխատակիցները, 4 սեփականատերերը և մի քանի այցելուներ: Տարօրինակ այցելուի մի ձեռքին ձեռնոց է եղել, մյուսում՝ ատրճանակ: Քիչ անց ներս է վազել նաև նրա ընկերը՝ մուգ հագուստով, նրանից քիչ բարձրահասակ: Վերջինս իր դեմքը փակել էր գլխին հագցված սրբիչե պայուսակով: Հայտնվել է նաև 3-րդ ընկերը, ով, չցանկանալով ի ցույց դնել դեմքը, կանգնել է մուտքի մոտ:
Զինված երիտասարդն ատրճանակով սպառնացել է բարմենին, իսկ մյուսը գլխից հանելով պայուսակը, որի տակ դիմակ էր, ստիպել է այն լցնել փողերով:
Սակայն, ի զարմանս բոլորի, բարմենը սկսել է ծիծաղել: Նրան են միացել այնտեղ գտնվողները, և արդյունքում ամբողջ բարը է սկսել ծիծաղել:
Ոստիկանությունում հայտնել են, որ 3 «հանցագործները» մի լավ ծիծաղելուց հետո բառից դուրս են եկել դատարկ ձեռքերով:
«Նախ՝ մենք մտածեցինք, որ սա կատակ է: Նման կատակ կարող էր անել մեր ծանոթներից յուրաքանչյուրը: Մենք չէինք էլ մտածում, որ դա լուրջ է»,- ոստիկանությանն ասել է բարի սեփականատերերից մեկը:
