Ֆրանսիայի մշակույթի նախարարությունը նացիստների կողմից գողացված 7 նկարների սեփականատերերի ժառանգ-հրեաներին դրանք վերադարձնելու որոշում է կայացրել:
Նկարներից 6-ը պատկանում են ավստրիական տեքստիլ արտադրության մագնատ Ռիչարդ Նեյմանին, ով ավելի քան 200 կտավ է ունեցել: Գերմանական բանակի ներխուժման ժամանակ նա ստիպված է եղել լքել Վիեննան: Կնոջ և դստեր հետ Փարիզ է մեկնել` իր հետ վերցնելով նկարների մեծ մասը: Ֆրանսիայի պաշարումից հետո նա մեկնել է Իսպանիա, այնուհետև՝ Կուբա: Երկրից դուրս գալու համար նա ստիպված վաճառել է հավաքածուն:
Նկարները կվերադարձվեն Նեյմանի թոռանը` Թոմ Զեյլդորֆին: Նկարների շարքում են Գասպարո Տիցիանի «Վենետիկի այլաբանություն», Սալվադոր Ֆրանչեսկոյի «Սուրբ Ֆրանցիսկ» կտավները, ինչպես նաև Ֆրանսուա Շառլ Պալկոյի և Գաետանո Գանդոլֆի աշխատանքները:
Յոթերերդ նկարը պատկանում է բանկիր Յոզեֆ Վիներին: 1939 թ. Չեխոսլովակիայի միավորումից հետո նրան պատկանող ողջ արժեքավոր իրերն առգրավվել էին: Նկարը հայտնվել էր Մարտին Բորմանի հավաքածուի մեջ:
Յոթ նկարներից 4-ը ներկայումս Լուվրի թանգարանում են, մյուս 3-ն՝ այլ թանգարաններում:
Նկարների վերադարձման կոնկրետ օրը դեռևս հայտնի չէ:
1998 թ. Վաշինգտոնում 44 երկրների, այդ թվում՝ Ֆրանսիայի կողմից «կորցրած արվեստ»-ի հարցերի վերաբերյալ համաձայնագիր է ստորագրվել, որով կարգավորվում է գողացված գեղարվեստական և նյութական արժեքների իրավական կարգավիճակը:
