Քիմ Քարդաշյանը և Քանյե Ուեսթն այս պահին ընտանիքով գտնվում են Սրբոց Հակոբենաց տաճարում: Նրանք մկրտում են 2-ամյա Նորթին: Մկրտության արարողությունն անցկացնում է Պարետ ծայրագույն վարդապետ Երեցյանը: Այս մասին «Առաջին լրատվական»-ի հետ զրույցում ասաց Երուսաղեմի Հայոց պատրիարքության էկումենիկ և արտաքին հարաբերությունների բաժնի տնօրեն, պատրիարքության պաշտոնական մամուլի խոսնակ Արիս արքեպիսկոպոս Շիրվանյանը:
Հիշեցնենք, որ նախորդ տարի եպիսկոպոսաց ժողովին Երուսաղեմի պատրիարքության կողմից ներկայացված եպիսկոպոս ձեռնադրելու երկու թեկնածուներից մեկին՝ Պարետ Ծ. Վարդապետի Երիցյանին, Վեհափառը մերժել է ձեռնադրել:
Ի դեպ, Պարետ Վարդապետը ծառայել է Էջմիածնական թեմերում՝ Կալիֆոռնիա, Կանադա և այլն:
Արիս սրբազանը նաև տեղեկացրեց, որ այս պահին Սուրբ Հակոբաց վանքում է ամբողջ լրատվադաշտը:
Քիմ Քարդաշյանի այցը Երուսաղեմում մեծ իրարանցում է առաջացրել։
