«Առաջին լրատվական»-ը փաստաբան Հայկ Գրիգորյանից հետաքրքրվեց՝ եթե «Հիմնադիր խորհրդարանի» անդամների նկատմամբ առաջադրված մեղադրանքը հաստատվի, ապա նրանք կազատազրկվեն 4-10 տարի ժամկետո՞վ, ինչպես 225-րդ հոդավածն է նախատեսում: Վերջինս պատասխանեց. քանի որ դա քաղաքական հետապնդում է, իրավական կողմի մասին խոսելը ճիշտ չի լինի: «Թե որքան կպահեն, կամ ինչ է ծրագրել ռեժիմն անել՝ ներքին հարցեր են: Այն մեղադրանքը, որ կիրառել են Սեֆիլյանի նկատմամբ, ըստ էության, կարող են կիրառել ցանկացած քաղաքացու նկատմամբ, որ անկարգություն է արել հավաքի ժամանակ և այլն: Մեղադրանքն ի սկզբանե քաղաքական է և անհիմն, նպատակն է եղել նրանց անազատության մեջ պահել»,-ասաց նա:
Փաստաբանը նաև շեշտեց, որ ՀԽ անդամների դեպքում, եթե մեղադրանքը հաստատվի, ապա ազատազրկումը կլինի 2-5 տարի. «4-5 տարի նախատեսում է հոդվածը, նախապատրաստությունը դրա կեսն է, 2-5 տարի կարող է լինել առավելագույն սահմանված պատիժը նախապատրաստության համար: Թե որքան կպահեն և ինչ է ծրագրել անել ռեժիմը՝ պետք է նրանց հարցնել»:
«Առաջին լրատվական»-ը նաև հետաքրքրվեց՝ արդյոք փորձ արվե՞լ է ստորագրությամբ կամ գրավով Ժիրայր Սեֆիլյանին և ընկերներին ազատ արձակելու մասին միջնորդություն ներկայացնել: «Փորձ արվել է, միջնորդությունը մերժվել է»,- պատասախանեց նա:
Մանրամասները՝ տեսանյութում:
