Լոս ԱՆջելեսի Nokia թատրոնում տեղի է ունեցել MTV Movie Awards-ի 24-րդ մրցանակաբաշխության արարողությունը: Միջոցառման ընթացքում մրցանակ է շնորհվել 14 անվանակարգում: Արարողությունը վարել է Էմի Շումերը, հայտնում է TASS-ը:
«Մեղավոր են աստղերը» (The Fault in Our Stars, 2014) ֆիլմը մրցանակ է ստացել MTV (MTV Movie Awards) հեռուստաալիքի 2015թ. «Տարվա ֆիլմ» հեղինակավոր անվանակարգում: Անբուժելի հիվանդությամբ տառապող մարդկանց մասին պատմող մելոդրաման նկարահանել է Ջոշ Բունը:
«Լավագույն կանացի դեր» անվանակարգում մրցանակ է ստացել Շեյլին Վուդլին, որ խաղացել է «Մեղավոր են աստղերը» ֆիլմում:
«Լավագույն դերասան» է ճանաչվել Բրեդլի Կուպերը «Դիպուկահարը» (American Sniper, 2014) ֆիլմի համար, որի ռեժիսորն է Քլինթ Իսթվուդը:
Մերիլ Սթրիփը մրցանակ է ստացել «Լավագույն չարագործ» անվանակարգում «ԱՆտառի միջով» (Into the Woods, 2014) ֆիլմի համար:
Չենինգ Տատումը «Մաչո ու բոտան-2» ֆիլմում (22 Jump Street, 2014) դերի համար հաղթել է «Լավագույն կատակերգական դեր» անվանակարգում:
Կանոնների համաձայն՝ հաղթողներն ընտրվում են համացանցում քվեարկության արդյունքում:
