«Իբերիա» իսպանական ավիաընկերությունն այսօր հայտարարել է փետրվարի 18-22-ը երկրի տարբեր քաղաքներ և արտասահման նախատեսված 1062 չվերթից 415-ի հետաձգման մասին՝աշխատակազմի գործադուլի պատճառով:
Գործադուլը կազմակերպվել է ի նշան բողոքի՝ 3.8 հազար աշխատակիցների՝ աշխատանքից հեռացնելու դեմ, ինչը, ըստ Իբերիայի ղեկավարության, կապված է ֆինանսական ծախսերի կրճատման հետ, որոնք կարող են հանգեցնել ընկերության սնանկացմանը։ Այս մասին հաղորդում է Itar-Tass-ը:
Բանակցություններն արդյունք չեն տվել: Գործադուլը տեղի կունենա փետրվարի 18-22-ը, մարտի 4-8-ը և մարտի 18-22-ը:
