Ամերիկյան Gallup հետազոտական ինստիտուտը կազմել է սիրո համաշխարհային յուրօրինակ վարկանիշային աղյուսակ, որտեղ Հայաստանը զբաղեցրել է ամենավերջին՝ 136-րդ հորիզոնականը:
Gallup ինստիտուտի հետազոտողները փորձել են ոչ միայն պարզել սիրո էությունը, այլ նաև դիտարկել են դրա կապն ազգության, տարիքի, գումարի և տնտեսական զարգացման հետ:
Սուրբ Վալենտինի օրվան նվիրված Gallup–ի հարցումն անցկացվել 136 երկրներում: Մասնկիցներին տրվել է հետևյալ հարցը. «Արդյո՞ք ձեր երեկվա օրը սիրով լեցուն է եղել»:
Հայաստանում հարցմանը մասնակցել է 1954 մարդ, որոնց միայն 29%-ն է դրական պատասխան տվել վերը նշված հարցին: Տարածաշրջանում ամենասիրառատ ազգը ըստ հարցման արդյունքների Թուրքիան է՝ 36-րդ (78%): Վրաստանը զբաղեցնում է 132-րդ հորիզոնականը (43%) Ադրբեջանը՝ 126-րդ (47%) Թուրքիան՝ 36-րդ (78%), Իրանը՝ 78-րդ(68%), Ռուսաստանը՝121-րդ (50%):
Վարկանիշային աղյուսակը գլխավորած առաջին հինգ սիրառատ երկրներն են Ֆիլիպինները (93%), Ռուանդան (92%), Պուերտո-Ռիկո(ն 90%), Հունգարիան (89%) և Կիպրոսը (88%):
