Մանկական սթրեսը բարձրացնում է 1-ին տիպի դիաբետի զարգացման ռիսկը: Այն երեխաները, որոնք անցել են սթրեսային իրադարձությունների միջով, ինչպիսին է, ասենք, ընտանիքի անդամներից մեկի հիվանդությունը կամ ծնողների ամուսնալուծությունը, ենթարկվում են 1-ին տիպի դիաբետով հիվանդանալու եռակի մեծ ռիսկի: Այս մասին գրում է Direct-press.ru-ն՝ վկայակոչելով շվեդ գիտնականներին:
1-ին տիպի դիաբետն առաջանում է, երբ օրգանիզմի իմունային համակարգը սպանում է ենթաստամոքսային գեղձի, այսպես կոչված, բետա բջիջները, որոնք ինսուլին են արտադրում: Մասնագետները ենթադրում են, որ փոքր տարիքում սթրեսային իրադարձությունները կարող են ազդել բետա բջիջների և ինսուլինի նկատմամբ զգայունության վրա՝ սթրեսի հորմոնի բարձր մակարդակը հաղթահարելու համար:
