ԱՄՆ Կինեմատոգրաֆիկ արվեստների և գիտությունների ակադեմիան հայտնել է «Օսկար» մրցանակաբաշխության հաղթողների հայտարարման և պարգևատրման հանդիսավոր միջոցառումների ամսաթվերը: Ավանդույթի համաձայն՝ դրանք անցկացվում են Լոս Անջելեսում, հայտնում է Los Angeles Times-ը:
«Եկող տարի՝ 2016 թ., միջոցառումը տեղի կունենա փետրվարի 28-ին,- նշվում է տարածված հայտարարության մեջ:- 2017 թ. հաղթողների անունները կհայտարարվեն փետրվարի 26-ին, իսկ 2018 թ.՝ մարտի 4-ին»:
Վերջին տասնամյակներին «Օսկարը» սովորաբար անցկացվում է փետրվարին, դրա հետ կապված նշում է թերթը: «Սակայն 2018 թ. միջոցառումը մարտին է հետաձգվել, քանի որ փետրվարի 9-25-ը հարավկորեական Փհոնչհան քաղաքում տեղի կունենան ХХIII Ձմեռային Օլիմպիական խաղերը»,- նշում է պարբերականը:
Ակադեմիան միաժամանակ նշանակել է նաև առաջիկա «Օսկարի» տարբեր կատեգորիաների մրցանակների թեկնածուների անունների հրապարակման ամսաթիվը՝ 2016 թ. հունվարի 14:
