American Airlines և US Airways ամերիկյան ավիափոխադրողները հայտարարել են միավորման մասին: Գործարքը հավանության է արժանացվել երկու ընկերությունների տնօրենների խորհրդի կողմից: Այս մասին հայտնում է Associated Press-ը՝ հղում անելով իրադրությանը ծանոթ աղբյուրին: Նոր ավիաընկերությունը կդառնա խոշորագույնն աշխարհում:
Գործարքի արժեքը գնահատվում է 11 մլրդ դոլար: Հաղորդվում է, որ միավորված ընկերությունը կկրի American Airlines անվանումը, սակայն այն կղեկավարի US Airways-ի գործադիր տնօրեն Դուգ Փարքերը: American Airlines-ի ներկայիս ղեկավար Թոմ Հորթոնը նոր ընկերությունում կզբաղեցնի տնօրենների խորհրդի նախագահի պաշտոնը:
Ապագա ավիաընկերությունը կունենա 900 օդանավ: Նրանք միասին օրական կիրականացնեն 3200 չվերթ: Ընկերությունում կաշխատի ավելի քան 95 հազար մարդ:
Այդ գործարքը արվել է American Airlines-ի բիզնեսի վերակառուցման անհրաժեշտությունից ելնելով: 2011-ի նոյեմբերին ընկերությունը գտնվում է սնանկությունից պաշտպանության ներքո:
