Իրանի շահութաբերության հարցերով խորհրդի ղեկավար, երկրի նախկին նախագահ Ալի Աքբար Հաշեմի Ռաֆսանջանին ասել է, որ երկրի որոշ պաշտոնյաների միջև գժտությունները հասարակական վայրերում, մտահոգություն են առաջացնում:
Նախկին նախագահն այդ հայտարարությունն արել է Թեհրանի բժշկական համալսարանի կենտրոնական խորհրդի իսլամական ասոցիացիայի անդամների հետ հանդիպման ժամանակ:
Նա նշել է, որ եթե գոյություն ունեն անհամաձայնություններ, ապա դրանք հանրության առաջ չպետք է արտահայտվեն: Ռաֆսանջանին նաև նշել է, որ ներքին խնդիրները և պաշտոնյաների նման պահվածքը ձեռնտու է Իրանի արտաքին թշնամիներին: Նա ասել է, որ համաշխարհային տերություններն Իրանի ներքին խնդիրներն ի նպաստ իրենց շահերի են օգտագործում:
Փետրվարի 3-ին Իրանի խորհրդարանը կողմ էր քվեարկել աշխատանքի նախարար Աբդուլրեզա Շեյխոլեսլամիի պաշտոնանկությանն այն բանի համար, որ վերջինս նախկին դատախազ Սայիդ Մորթազավիին, ով մեղադրվում է ձերբակալվածների մահվան մեջ, նոր պաշտոնի էր նշանակել:
Իրանի նախագահ Մահմուդ Ահմադինեժադը, հանդես գալով ի պաշտպանություն նախարարի, խորհրդարանի խոսնակ Ալի Լարիջանիի ընտանիքին մեղադրել էր կոռուպցիայի մեջ:
Լարիջանին ի պատասխան նախագահի՝ նշել է, որ խնդիրը երկրի նախագահի կողմից վարքի կանոններին չհետևելն է, և ավելացրել է, որ դա ընդհանուր ոչինչ չունի Շեյխոլեսլամիի պաշտոնանկության գործընթացի հետ:
