Ապրիլի 8-ին՝ ժամը 16:45-ին, տեղեկատվություն է ստացվել, որ Երևանի Սեբաստիայի փողոցի թիվ 3ա շենքի մոտակայքում գտնվող ավտոտնակում տեղի է ունեցել պայթյուն, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ինչպես տեղեկանում ենք Տարածքային կառավարման և արտակարգ իրավիճակների նախարարության պաշտոնական կայք-էջից, պարզվել է, որ «Անի-պայծառ» ՍՊԸ-ին պատկանող փրփրապլաստի արտադրամասի վառարանում տեղի է ունեցել պայթյուն. վնասվել է արտաքին պատը՝ 2 քմ:
Մինչ հրշեջ-փրկարարների կանչի վայր հասնելը արտադրամասի աշխատակից, 1996թ. ծնված Դ. Ա.-ն տարբեր աստիճանի այրվածքներով հոսպիտալացվել է «Արմենիա» ԲԿ:
