Աշխարհում հայտնի Վենետիկի կառնավալը, որն այս տարի անցկացվել է «Ապրի´ր գույնով» նշանաբանով, երեկ ուշ երեկոյան ավատվել է ավանդական «Լուռ թիավարմամբ»: Վառվող մոմերով հարյուրավոր մակույկներ լռության մեջ լողացել են Ռիալտո հնագույն կամրջից դեպի Մեծ ջրանցք և դուրս եկել Վենետիկի ծոց: Այս մասին հայտնում է RIA Novosti-ն:
Կառնավալի ավարտն ազդարարել են ջրի վրա տեղի ունեցած հրավառությունները: Այս տարի կառնավալը հարյուր հազարավոր զբոսաշրջիկների է հյուրընկալել աշխարհի տարբեր ծայրերից: 2.5 շաբաթվա ընթացքում հնագույն քաղաքում տիրել են գեղեցիկ հանդերձներով մասնակիցները, ուրախ դիմակահանդեսներն ու փողոցային երթերը:
Աշխարհի հնագույն կառնավալներից մեկի ծրագիրն իր մեջ ներառել է տասնյակ մրցույթներ, թատերական ներկայացումներ, ցուցահանդեսներ, համտեսում:
