Շաքարախտով չհիվանդանալու համար պետք է ձու ուտել: Արևելյան Ֆինլանդիայի համալսարանի աշխատակիցները հետազոտություն են անցկացրել, որի արդյունքում եզրակացության են եկել, որ շաբաթական չորս ձվի օգտագործումը զգալիորեն կնվազեցնի շաքարախտի առաջացման հավանականությունը:
Գիտնականներն ուսումնասիրել են 42-60 տարեկան 2330 տղամարդկանց առողջական վիճակը 20 տարվա ընթացքում: Պարզվել է, որ ուժեղ սեռի այն ներկայացուցիչների դեպքում, ովքեր շաբաթական 4 ձու են օգտագործել, շաքարախտի զարգացման հավանականությունը 37%-ից էլ քիչ է եղել, քան նրանց դեպքում, ովքեր շաբաթական 1-2 ձու են կերել: Դա կապված է այն բանի հետ, որ ձուն բարելավում է օրգանիզմում գլյուկոզայի չափաքանակը:
Հարկ է նշել, որ շաբաթական հենց չորս ձվի օգտագործումն ընդունակ է նվազեցնել 2 տիպի շաքարախտի զարգացման հավանականությունը: Գիտնականները նկատել են, որ մեծ քանակությամբ ձվի օգտագործումը ավելի դրական արդյունքների չի հանգեցրել:
