Ճապոնիայում հայտարարել են ՉԹՕ-ի ներխուժման սպառնալիքի բացակայության մասին

Ճապոնիայի պաշտպանության նախարար Գեն Նակատանին հայտարարել է, որ չճանաչված թռչող օբյեկտները երբեք չեն հատել երկրի օդային տարածքները, հաղորդում է korrespondent.net-ը:

Եկվորների հարձակման հնարավոր սպառնալիքի մասին նրան հարցրել են խորհրդարանում ելույթ ունենալիս, գրում է Japan Times պարբերականը:

Գեն Նակատանին բացատրել է, որ ռազմական ինքնաթիռներն օդ կբարձրանան, եթե նման սպառնալիքի մասին ազդանշան ստանան, սակայն մինչև ներկա պահը Ճապոնիայի երկնքում նման օբյեկտներ չեն հայտնվել: