Բազմաթիվ խնդրանք-պահանջներով ԿԳ նախարար Արմեն Աշոտյանը հրապարակել է «Ինձ խոստացիր» երգի խոսքերը: Կանանց նվիրված երգը՝ Հայկոյի կատարմամբ, կարող եք ունկնդրել ապրիլի 7-ին մի քանի հեռուստաընկերությունների եթերում։
Ինձ խոստացիր, որ կհիշես անունը իմ:
Ինձ խոստացիր, որ կսիրես օրերը հին:
Ինձ խոստացիր, որ կպատմես հազար հեքիաթ:
Ինձ խոստացիր, որ կմնաս միշտ հարազատ:
Ինձ խոստացիր արևածագ,
Ինձ խոստացիր գարնան վտակ,
Ինձ խոստացիր, որ չեմ մնա ես մեն-մենակ:
Կանցնեն օրեր ու տարիներ` քեզ կսպասեմ:
Կանցնեն ամպեր ու քամիներ` քեզ կպահեմ:
Կանցնեն նրանք, ում համբուրել եմ, բայց ստել:
Կանցնեն նրանք, ում արթնացել ու չեմ տեսել:
Կանցնեն մարդիկ խայտաբղետ,
Կանցնեն ու կկորչեն անհետ,
Կանցնեն բոլորը` դու մնա ինձ հետ:
Ինձ խոստացիր, որ կհիշես անունը իմ …
