Ռուսաստանի Պերմի երկրամասում դատարանը Հայաստանի Հանրապետության 36-ամյա քաղաքացուն մեղավոր է ճանաչել ՌԴ քրեական օրենսգրքի 222-րդ հոդվածի 1-ին (հրազենային զենքի անօրինական պահում, տեղափոխում, կրում), 105-րդ հոդվածի 1-ին (սպանությունը) և 158-րդ հոդվածի 1-ին (գողություն) մասերով և դատապարտել է 16 տարի ազատազրկման: Այս մասին հաղորդում է Պերմի երկրամասի ՌԴ հետաքննչական կոմիտեի կայքը:
Հետաքննությունը պարզել է, որ 2012 թ. հունվարի 15-ին Պերմ քաղաքում «Սանտա Բարբարա» բարի մոտ վիճաբանություն է տեղի ունեցել ՀՀ երկու քաղաքացիների միջև: Հարաբերությունները պարզելու համար նրանք մեղադրյալի մեքենայով քաղաքից դուրս են եկել, որից հետո վերջինս նագան տեսակի ատրճանակով առնվազն 5 կրակոց է արձակել իր հայրենակցի գլխին: Ստացված վերքերից 24 տարեկան երիտասարդը տեղում մահացել է:
Դրանից հետո նա հափշտակել է սպանվածի բջջային հեռախոսը և թաքնվել հանցագործության վայրից:
