Առնվազն մեկ մարդ է զոհվել, ևս 2-ը վիրավորվել են, չորեքշաբթի օրը Ստամբուլում ոստիկանական բաժանմունքի շենքի մոտ տեղի ունեցած փոխհրաձգության հետևանքով: Այս մասին գրում է Ria Novosti-ն` վկայակոչելով տեղի ԶԼՄ-ներին:
Նշվում է, որ կրակը բացվել է այնտեղ կանգնած ավտոմեքենայից: Հսկիչները պատասխան կրակ են բացել: Ստամբուլի իշխանություններն ավելի ուշ հաստատել են անվտանգության ծառայության վրա հարձակվելու մասին տեղեկությունը: Հստակեցվում է, որ դրա հետևանքով զոհվել է հարձակմանը մասնակցող մեկ կին, վիրավորվել է 1 ոստիկան, ինչպես նաև՝ երկրորդ հարձակվողը:
