Հայտնիները նույնպես մարդիկ են, և նրանցից շատերը սիրում են կատակել: Սակայն սովորական մարդկանց և աստղերի կատակների միջև տարբերությունն այն է, որ նրանք ոչ թե մեկ-երկու մարդու են հիմարեցնում, այլ հազարավորների: ELLE-ը ներկայացնում է աստղային ամենաուշագրավ կատակները:
1. Անցած տարվա օգոստոսին Ջեյմս Ֆրանկոն համացանցում հրապարակել է իր և սիրելիի՝ Լանա Դել Ռեյի լուսանկարը և գրառել. «Մենք ամուսնացել ենք»: Սենսացիա առաջացնելուց հետո Ֆրանկոն շտապել է հայտարարել, որ դա միայն կատակ էր:
2. Ռոբերտ դե Նիրոն որոշել է կատակել Բրեդլի Կուպերի հետ և նրա հյուրանոցային համար անչոուսներով և սարդինաներով 13 պիցցա է ուղարկել: Կատակն այն է, որ Կուպերը սարդինաներ և անչոուսներ տանել չի կարողանում:
3. Ջասթին Բիբերը նույնպես բավականին կատակասեր է: Նա Twitter-ում մի հեռախոսահամար է հրապարակել և գրառել, որ դա իրենն է: Սակայն հեռախոսահամարում դիտմամբ վերջին նիշը նշված չէր: Երկրպագուները սկսել են տարբերակներ մտածել, և այդ տարբերակներից մեկը թոշակառու մի զույգի հեռախոսահամար է եղել, ում նրանք զանգահարել են հազարավոր անգամ: Թոշակառուները բարկացել են, իսկ երբ պարզել են, թե ով է Բիբերը, ապա իրավաբաններ են վարձել, ովքեր էլ կապվել են կատարողի ներկայացուցիչների հետ: Այժմ Բիբերի համար արդեն կատակելու ժամանակ չէ:
4. 2013 թ. նոյեմբերին երգիծաբան Սաշա Բարոն Քոենը բեմից գցել է հաշմանդամի սայլակի վրա նստած Գրեյս Քոդինգթոն անունով դերասանուհուն: Դա տեղի է ունեցել Brittania Awards մրցանակաբաշխության արարողության ժամանակ: Հանդիսատեսին արագ հայտնել են, որ դա ուղղակի կատակ է եղել: Սակայն պարզվել է, որ նման դերասանուհի իրականում գոյություն չունի: Այժմ մնում է գուշակել, թե ով է նստած եղել հաշմանդամի սայլակին:
5. Նախկինում Էշթոն Քաթչերը MTV ալիքում հաղորդավար էր աշխատում և վարում էր աստղային կատակների մասին ծրագիրը: Նրա ամենազվարճալի կատակներից մեկը Ջասթին Թիմբերլեյքի հետ է տեղ ունեցել, երբ երգչի տուն է ժամանել դատական ակտերի հարկադիր կատարողը և ցույց տալով վճիռը՝ սկսել է ցուցակագրել նրա կարողությունը, ընդ որում՝ ամենաթանկարժեքները՝ մեքենաները, ժամացույցը և այլն: Ցնցված Թիմբերլեյքը ուղղակի ափերից դուրս է եկել, և հենց այդ պահին էլ հայտնվել է Էշթոնը:
6. Հոլիվուդյան կատակասերներից հետ չի մնում նաև Բրեդ Փիթը, ով 2001 թ. Ամանորի գիշերը որոշել է տուն վարձել, հրավիրել ընկերներին Միլենիումը միասին նշելու: Ուղիղ կեսգիշերին առանձնատան լույսերն անջատվել են, կապը նույնպես խափանվել է, դուռը բացվել է, և սենյակ են մտել դիմակավորված և զինված մարդիկ և թմրավաճառքի համար կապկպել աստղային հյուրերից մեկին:
7. Գրեթե իր բոլոր կատակները Ջորջ Քլունին իրականացնում է իր լավագույն ընկերոջ՝ Ռիչարդ Քայնդի վրա: Օրինակ՝ նրա ծննդյան օրը աղբանոցում գտած մի նկար է նվիրել և հայտարարել, որ դա մեծ նկարչի գլուխգործոց է: Արդյունքում Քայնդը նկարը կախում է հյուրասրահում, իսկ նրա հյուրերը հինգ տարի շարունակ չեն դադարում հիանալ արվեստի այդ գլուխգործոցով: Հինգ տարի անց Քլունին իր կատակի մասին խոստովանել է հեռուստաշոուներից մեկի եթերում:
