Փետրվարի 11-ին ՀՀ ԱԺ նախագահ Հովիկ Աբրահամյանն ընդունեց Հայաստանում դիտորդական երկարաժամկետ առաքելությամբ գտնվող Ընտրական համակարգերի միջազգային փորձագիտական կենտրոնի նախագահ, ԱՊՀ և Արևելյան Եվրոպայի երկրների ինստիտուտի տնօրեն, Իսրայելի խորհրդարանի նախկին անդամ Ալեքսանդր Ցինկերին և փորձագետ Աննա Չուրդովային (Չեխիա):
ԱԺ հասարակայնության և տեղեկատվության միջոցների հետ կապերի վարչությունից «Առաջին լրատվական»-ին հայտնում են, որ հանդիպման ընթացքում զրուցակիցները քննարկել են առաջիկա նախագահական ընտրություններին առնչվող հարցեր: Անդրադարձ է կատարվել նախընտրական գործընթացներին, քարոզարշավի ընթացքին: Դիտորդներն անդրադարձել են այն դրական դրսևորումներին, որոնք արձանագրվել են նախընտրական փուլում: Երկուստեք կարևորվել է արդար և թափանցիկ ընտրությունների անցակացումը: ԱԺ նախագահը շեշտել է, որ Հայաստանի իշխանությունները ունեն քաղաքական կամք` ազատ, արդար և միջազգային չափանիշներին համապատասխան ընտրություններ անցկացնելու համար:
