1915-ին տեղի ունեցածը Ցեղասպանություն էր. Էթյեն Մահչուփյան

Թուրքիայի վար­չա­պետի գլխա­վոր խորհրդա­կան Էթյեն Մահ­չուփյանը Լոնդոնում հայ­տա­րարել է, որ ինքը 1915-ին կատարվածը ճանաչում է որ­պես ցեղասպա­նու­թյուն: Այս մասին տեղեկացնում է ֆրանսիական «Յառաջը»։

Բրի­տանա­կան խորհրդա­րանում կազմակերպված կլոր սեղանի ընթացքում Մահչուփյանն անդրադարձել է նաև Հա­յոց ցե­ղաս­պա­նու­թյան թե­մային:

«Ես նա­խապես ասել եմ, որ ես ինձ հա­յից ավե­լի օս­մանցի եմ զգամ։ Ես ազ­գայնա­կան չեմ, բայց երբ թե­ման վե­րաբե­րում է 1915-ին, ես գոր­ծա­ծում եմ «Հա­յոց ցեղասպանություն» եզ­րը։ Կար­ծում եմ, որ կա­տարվածը ցե­ղաս­պա­նու­թյուն էր, քա­նի որ «ցե­ղաս­պա­նու­թյուն» եզ­րը և 1915-ին տեղի ու­նե­ցածը միմյանց համապատասխանում են։ Եթե ցեղասպանու­թյան եզ­րի սահ­մա­նու­մը փոխենք, այդ ժամանակ դա կարող է չհամարվել ցե­ղաս­պա­նու­թյուն։ Շա­տերը կարող է ինձ չհասկանան, սա­կայն ցեղասպա­նու­թյունը ոչ թե պատ­մա­կան, այլ իրա­վական եզր է»,- ասել է Մահ­չուփյանը: