Թուրքական Zaman թերթը հաղորդում է, որ անգլիական Metro թերթն տպագրված քարտեզում նշել է, թե գլոբալ ֆինանսական ճգնաժամը որ երկրների վրա է առավել շատ ազդեցություն ունեցել:
Այդ երկրների շարքում թերթը հիշատակել է Իռլանդիան, Պորտուգալիան և Հունաստանը: Սակայն վերջինս քարտեզի վրա հայտնվել է Թուրքիայի տարածքի վրա:
Թուրքական թերթն ուշադրություն է հրավիրում այն հանգամանքի վրա, որ, բացի այն, որ Թուրքիայի տարածքի վրա նշվել է Հունաստան, վերջինիս դրոշը նույնպես նշվել է թուրքական տարածքի վրա:
Այժմ թուրքական կողմն անգլիական թերթից պահանջում է ներողություն խնդրել: