Լոս Անջելեսի «Նոկիա» թատրոնում հայտարարվել են Grammy Award մրցանակաբաշխության առաջին հաղթողները:
Մրցանակաբաշխության պաշտոնական մասից առաջ նախնական միջոցառմանը Grammy մրցանակի են արժանացել ռեփերներ Քանյե Ուեսթը և Ջեյ Զին: Նրանք հաղթող են ճանաչվել «Ռեփ ոճով լավագույն կատարում» անվանակարգում N—-s in Paris համատեղ աշխատանքի համար:
The Black Keys խմբի վոկալիստ և կիթառիստ Դեն Աուերբախը ստացել է միանգամից երեք մրցանակ՝ «Տարվա լավագույն պրոդյուսեր» և «Լավագույն ռոք ստեղծագործություն» (Lonely Boy) և «Լավագույն ռոք ալբոմ» ( El Camino) անվանակարգերում, հաղորդվում է մրցանակաբաշխության պաշտոնական կայքում:
Բրիտանական Mumford & Sons խումբը իր Babel ալբոմով հաղթող է ճանաչվել «Լավագույն ալբոմ» անվանակարգում:
Տարվա ձայնագրություն ճանաչվել է Գոթյեի Somebody That I Used To Know երգը, լավագույն երգ՝ Fun-ի We Are Young-ը:
Փոլ Մաքարթնին ստացել է իր արդեն 16-րդ Grammy-ն՝ հաղթելով «լավագույն վոկալ ալբոմ ավանդական փոփ ոճում» անվանակարգում: Նրա Kisses On The Bottom-ը ճանաչվել է տարվա լավագույն ավանդական փոփ ալբոմ
Grammy ամենամյա փառատոնն անցակցվում է 1959 թվից: Այս տարի այն հանձնվում է 81 անվանակարգերում: Հաղթողները որոշվում են Ամերիկյան ակադեմիայի անդամների գաղտնի քվեարկության արդյունքում:
