Chrome բրաուզերի բջջային տարբերակները վաղուց կարողանում են սեղմել թրաֆիկը: Դա օգնում է դանդաղ կապի դեպքում զգալիորեն արագացնել էջերի բացումը: Այժմ նոր գործառույթը հասել է նաև ոչ շարժական Chrome-ին՝ հայտնում է hitech.vesti.ru-ն:
Նոր ռեժիմն ակտիվացնելու համար պետք է ներբեռնել Google-ի թողարկած «Թրաֆիկի տնտեսում» ընդլայնումը, որը խոստանում է սեղմում մոտ 50%-ով: Ճիշտ է, այդ գործառույթը չի աշխատում https տեխնոլոգիան օգտագործող կայքերի դեպքում: Ծրագիրն առանձնապես օգտակար է, եթե հեռախոսից միացումը բաշխեք համակարգչին, քանի որ բջջային թրաֆիկը սովորաբար սահմանափակ է:
Նոր ընդլայնումը կարող է օգտակար լինել նաև ինտերնետ-ցենզուրան շրջանցելու համար. սեղմման թրաֆիկը փոխանցվում է Google-ի՝ ԱՄՆ-ում կամ Եվրոպայում տեղակայված սերվերներից: Դրա շնորհիվ՝ ընդլայնումը կարող է անանունության գործառույթ կատարել՝ հնարավորություն տալով հասանելիություն ստանալ այս կամ այն երկրում արգելափակված ռեսուրսին:
