Այսօր Holiday Inn հյուրանոցում Վրաստանի վարչապետ Իրակլի Ղարիբաշվիլիի և լրագրողների հանդիպման ժամանակ շենքի առջև մի խումբ երիտասարդներ բողոքի ակցիա են անցկացրել։
Ինչպես հայտնում է ադրբեջանական APA գործակալության վրացական գրասենյակը, ակցիան կազմակերպվել էր երկրի նախկին նախագահ Միխեիլ Սաակաշվիլիի կողմնակիցների՝ «Ազատ գոտի» կազմակերպության անդամների կողմից։ Ցուցարարները հանդես են եկել կառավարության հրաժարականը պահանջող կարգախոսներով ու պաստառներով։
Ոստիկանությունը շղթայել էր հյուրանոցի մուտքը՝ որպեսզի թույլ չտա ցուցարարներին շենք մտնել։ Ակցիան ավարտվել է առանց միջադեպերի։
