Մեծ Բրիտանիայի վարչապետ Դեվիդ Քեմերոնը Շոտլանդիային կոչ է արել դուրս չգալ թագավորության կազմից: Կառավարության ղեկավարի հոդվածն այսօր հրապարակվել է շոտլանդական ԶԼՄ-ներում՝ հայտնում է Rosbalt-ը:
Վարչապետը նշել է ողջ թագավորության համար շոտլանդացիների որոշման կարևորությունը: «Բոլորիս համար ավելի լավ է միասին, քան առանձին»,- ասել է Քեմերոնը:
Սոցհարցումները վկայում են, որ ներկայումս Շոտլանդիայի անկախացման կողմնակիցների թիվը կազմում է 32 տոկոս, իսկ դեմ հանդես եկողներինը՝ 47 տոկոս:
Պահպանողականների կուսակցությունը, որը ղեկավարում է գործող վարչապետը, դեմ է Շոտլանդիայի անկախությանը: Նույն դիրքորոշումն ունեն նաև բրիտանական մյուս երկու առաջատար կուսակացությունները՝ լիբերալ-դեմոկրատներն ու լեյբորիստները: Շոտլանդիայի անկախացմանը կողմ է Շոտլանդիայի ազգային կուսակցությունը՝ Ալեքս Սալմոնդի գլխավորությամբ:
