Ինձ համար դեռ պարզ չէ՝ ինչի շուրջ է առաջարկում միավորվել Պարույր Հայրիկյանը: «Առաջին լրատվական»-ի հետ զրույցում ասաց նախագահի թեկնածու, ԼՂՀ նախկին արտգործնախարար Արման Մելիքյանը՝ անդրադառնալով նախագահի մեկ այլ թեկնածու, ԱԻՄ առաջնորդ Պարույր Հայրիկյանի այն հայտարարությանը, թե միավորվելու իր կոչը, բացի Րաֆֆի Հովհաննիսյանից և Հրանտ Բագրատյանից, բաց է նաև մյուս թեկնածուների համար:
Երեկ ինքնաբացարկ հայտնելու վերջին օրն էր, մեր այն հարցին, թե ի՞նչ է պատրաստվում անել պայքարի մեջ մնացած Արման Մելիքյանը, երբ ըստ էության իր առաջ քաշած բոլոր պահանջները մինչ այսօր չեն բավարարվել, թեկնածուն ասաց. «Ես պատրաստվում եմ իմ հետագա անելիքների մասին խոսել շաբաթվա սկզբին, հիմա ոչինչ ասել չեմ կարող»:
