2013թ. Մեծ Բրիտանիան ավելի քան 290 միլիոն ֆունտ սթեռլինգ (ավելի քան 456 միլիոն դոլար) կծախսի ջրհեղեղների դեմ պայքարի համար, հաղորդում է The Guardian-ը:
Վերոնշյալ գումարը ներդրվելու է ավելի քան 90 ամբարտակների վերանորոգման և կառուցման համար, որոնք ջրհեղեղներից կարող են պաշտպանել հազարավոր տներ և էականորեն նվազեցնել բնական աղետի պատճառած նյութական վնասը: Բացի այդ, կստեղծվեն նաև նոր աշխատատեղեր:
«Ընդհանուր առմամբ, մենք հաստատել ենք 93 նախագիծ, որոնք տասնյակ հազարավոր բնակիչների կձերբազատեն ջրհեղեղի վախից»,- հայտարարել է շրջակա միջավայրի պաշտպանության նախարար Օոուեն Փաթերսոնը: Նա հավատացած է, որ ամբարտակների շինարարության շնորհիվ հնարավոր է արագացնել շրջանների տնտեսական աճը:
Կառավարական ծրագիրը, որի գործողությունները նախատեսված են մոտակա երեք տարիների համար, ենթադրում է ջրհեղեղներից պաշտպանել ավելի քան 165 հազար տուն: Իշխանությունների տվյալներով` ներկայում շուրջ 2000 բրիտանացիներ մշտապես ապրում են ջրի բարձրացման վտանգի տակ:
2012թ. Մեծ Բրիտանիայում տեղացել են շուրջ 1.1 մ տեղումներ (1095 մմ):