«Մանչեսթեր Սիթի»-ի գլխավոր մարզիչ Ռոբերտո Մանչինին հույս է հայտնել, որ «Մանչեսթեր Յունայթեդ»-ը հաջող հանդես կգա Չեմպիոնների Լիգայի խաղարկությունում:
«Նրանք մեզանից 9 միավոր ավել են հավաքել, քանի որ ավելի լավ են խաղացել: Բայց առաջիկա երեք ամիսների ընթացքում ամեն ինչ կարող է փոխվել այնպես, ինչպես դա եղավ անցած մրցաշրջանում: Եթե մենք կարողացանք 6 տուրում հետ բերել 8 միավոր, ապա 13 տուրում 9 միավոր հետ բերելը ավելի հեշտ է:
Եթե «Յունայթեդ»-ը ոչ-ոքի խաղա կամ պարտվի, ապա մենք նորից չեմպիոնական մրցավազքի մեջ կլինենք: Շատ հավանական է, որ նրանց թուլացնի Չեմպիոնների Լիգան: Այդ մրցաշարում մենք աջակցելու ենք «Յունայթեդ»-ին», – Մանչինիի խոսքերն է մեջբերում ESPN-ը:
