2011 թ. մարտի 11-ին «Ֆուկուսիմա1» ատոմակայանում տեղի ունեցած պայթյունի հետևանքով համանուն բնակավայրի ավելի քան 350 բնակիչներ, ովքեր ստիպված լքել էին իրենց տներն ու ֆերմաները, հայտարարել են, որ ընդհանուր հայցով դիմելու են դատարան` ընդդեմ Ճապոնիայի կառավարության:
Հայցվորների փաստաբանը հայտարարել է, որ Ճապոնիայի կառավարությունը, որը լիովին տեղյակ էր ատոմակայանին սպառնացող վտանգի մասին, մոռացել էր, որ աղետը կանխելն իր պարտավորությունն է:
Հայցը կներկայացվի երկուշաբթի` աղետի երկրորդ տարելիցի օրը:
Հուլիսի 13-ին Ճապոնիայի կառավարությունը մշակել է Ֆուկուսիմայի վերականգնման ծրագիր, ըստ որի՝ այստեղ այլևս ատոմակայան չի լինի. դրան կփոխարինեն արևից և քամուց էներգիա ստացող կայանները:
«Ֆուկուսիմա1» ատոմակայանի պայթյունի հետևանքով մոտակա շրջաններից տարհանվել էր 180 հազար մարդ: Պայթյունի վայրից 20 կմ հեռավորությամբ տարածքները հայտարարվել են «ճառագայթված գոտի»:
