20th Century Fox կինոընկերությունը պաշտոնապես հաստատել է «Գիշերը թանգարանում» երրորդ ֆիլմի նկարահանման մասին, հաղորդում է Slashfilm-ը:
Սցենարի մանրամասները չեն հաղորդվում, սակայն արդեն հայտնի է, որ գլխավոր դերը ֆիլմում դարձյալ կկատարի Բեն Սթիլլերը, իսկ ռեժիսորը կլի նի Շոն Լևին:
Ֆիլմն էկրան կբարձրանա 2014 թ. դեկտեմբերի 24-ին:
«Գիշերը թանգարանում» ու «Գիշերը թանգարանում-2» ֆիլմերը վարձույթ են դուրս եկել համապատսախանաբար՝ 2006 ու 2009 թվականներին:
Առաջին ֆիլմը վաստակել է 574 մլն դոլար՝ 110 մլն բյուջեի, իսկ երկրորդը՝ 413 մլն դոլար՝ 150 մլն դոլար բյուջեի պայմաններում:
Առաջին ժապավենում իրադարձությունները տեղի են ունենում Նյու Յորքի բնության պատմության թանգարանում, երկրորդում՝ Վաշինգտոնի Սմիթսոնովյան թանգարանում:
Ներկայում Բեն Սթիլլերը նկարահանվում է «Ուոլտեր Միթիի գաղտնի կյանքը» ֆիլմում, որը վարձույթ դուրս կգա 2013 թ. վերջին:
