Ամերիկացի երգչուհի և դերասանուհի Ուիթնի Հյուսթոնի միանգամից չորս մոմե արձաններով համալրվել է Մադամ Թյուսոյի թանգարանը: 2012թ-ի փետրվարին մահացած երգչուհու մոմե արձանները վերաբերում են նրա փառահեղ 30-ամյա կարիերային: Դրանք ցուցադրվում են ԱՄՆ-ի տարբեր քաղաքներում:
Լաս Վեգասում հնարավոր է տեսնել Հյուսթոնին այնպիսին, ինչպիսին նա եղել է 1988թ-ին I wanna dance with sonbody (Whp loves me) տեսահոլովակի նկարահանումների ժամանակ: Վաշինգթոն կմեկնի Ուիթնիի 1991թ-ի կերպարը, երբ երգչուհին կատարում էր ԱՄՆ-ի ազգային հիմնը: Լոս ԱՆջելեսում տեղակայվելու է փոփ-երգչուհու Ռեյչել Մերոնի դերում մոմե արձանը՝ հաղորդում է Itar-Tass-ը:
Նյու Յորքին բաժին է հասել Ուիթնի Հյուսթոնի 2009թ-ի կերպարով արձանը:
Իր ամբողջ 180 տարվա պատմության ընթացքում Մադամ Թյուսոյի թանգարանը միաժամանակ չի ներկայացրել այսքան մեծ թվով նույն մարդու արձաններ: Երգչուհու մոմե արձանների ցուցադրմանը ներկա են եղել մայրը և երկու եղբայրները, իսկ 19-ամյա դուստրը այդպես էլ չի ներկայացել:
