Newmag.am-ի փոխանցմամբ՝ «World Music Awards »-ն իր ֆեյսբուքյան էջում քիչ առաջ տարածել է (share) «Եվրատեսիլ 2015»-ում Հայաստանը ներկայացնող «Genealogy» խմբի «Face The Shadow» երգի տեսահոլովակը:
«World Music Awards»-ն իր էջի հետևորդներին առաջարկել է դիտել այն ու կսիվել կարծիքներով: Կարճ ժամանակում տեսահոլովակը մեկնաբանել և հավանել են 1000-ից ավել օգտատեր: Ի դեպ, տեսահոլովակը հրապարակման օրից մինչ օրս՝ հինգ օրում, youtube-ում հատել է կես միլիոնի սահմանը:
Հիշեցնենք, որ այսօր կեսօրին Առաջին ալիքի հասարակայնության հետ կապերի բաժինը հայտնեց, որ հայկական երգն այսուհետ «Don’t deny»-ի փոխարեն կներկայանա նոր խորագրի ներքո՝ «Face The Shadow» (թարգմանաբար` «Առերեսվի՛ր ստվերին»): Այս փոփոխությունը միտված է հետ մղելու քաղաքական ցանկացած թեմայի շահարկումը երգի ենթատեքստում, ինչպես նաև ուժեղացնելու խաղաղության, սիրո և միասնության գաղափարը:
