Նաիրիտցիներն այսօր վաղ առավոտից կրկին հավաքվել են նախագահականի մոտ՝ հույս ունենալով, որ կկարողանան կանգնեցնել նախագահ Սերժ Սարգսյանի ավտոշարասյունն ու այս անգամ անձամբ Սերժ Սարգսյանից կլսեն տեղեկություն ամիսներ շարունակ չստացած աշխատավարձերի վերաբերյալ։ Ավտոշարասյունը չի կանգնել, ինչից հետո նաիրիտցիները երթով շարժվել են կառավարության շենքի մոտ, որտեղ էլ ավարտել են իրենց բողոքի ակցիան։
Հիշեցնենք, փետրվարի 6-ին մեկ տարվա աշխատավարձի պարտքով աշխատանքից ազատվեց գործարանի 1700 աշխատակից։
Ավելի քան մեկուկես տարի աշխատավարձի սպասող նաիրիտցիները շարունակում են պայքարը, և հաջողության չհասնելու դեպքում նստացույց կսկսեն։
Լուսանկարները` PAN Photo-ի
