Թբիլիսիում փետրվարի 9-ին տեղի կունենան «Տերմինաբանության դերը Հարավային Կովկասում կոնֆլիկտների կարգավորման հարցում» թեմայով հերթական լսումները:
Այս անգամ հասարակական գործիչները կքննարկեն 3 ժողովուրդների լեզուներում տերմինաբանական տարբերությունները, որոնք լարվածություն են ավելացնում Հարավային Կովկասի հարաբերություններում:
Տերմինաբանության դերի մասին իրենց կարծիքը կներկայացնեն Էլվին Բունթյուրկը (Ադրբեդջան), Ավետիս Բաբաջանյանը (Հայաստան) և Էդուարդ Ազնաուրովը (Վրաստան)։ Այս մասին տեղեկացնում է newsazerbaijan.ru-ն:
«Ժողովրդավարության համագործակցության ազգային հիմնադրամի» (National Endowment for Democracy-NED) աջակցությամբ այս լսումները պարբերաբար «Մարդու իրավունքների կովկասյան խորհրդանշական դատ և քաղաքացիական լսումներն ի ծառայություն կովկասյան երկրների ժողովրդավարության» ծրագրի շրջանակներում անցկացվում են Հարավային Կովկասի տարբեր քաղաքներում:
Միջոցառման համար պատասխանատու են Քաղաքացիական հասարակության կանանց դաշինքը (Ադրբեջան), Քաղաքացիական լսումների կովկասյան կենտրոնը (Վրաստան) և Խաղաղարար նախաձեռնությունների կովկասյան կենտրոնը (Հայաստան):