Պապուա-Նոր Գվինեայի Մաունթ-Հագեն քաղաքում «կախարդական փորձի» պատճառով ողջ-ողջ այրել են 20-ամյա երիտասարդ կնոջ: Ինչպես հաղորդում է BBC-ն, տեղի բնակիչների ամբոխը թույլ չի տվել ոստիկաններին մոտենալ դեպքի վայրին:
Մահից առաջ երիտասարդ կնոջը արդուկով կտտանքների են ենթարկել:
Տեղի ԶԼՄ-երի տվյալներով՝ Մաունթ Հագենի ընտանիքներից մեկը, որոնց երեխան օրեր առաջ մահացել էր, հարևանուհուն մեղադրել է սև մոգություն կիրառելու մեջ:
Պապուա-Նոր Գվինեայի բնակիչների շրջանում շարունակում է տարածված մնալ հավատը կախարդանքի հանդեպ:
