Ռուս լրագրողները, որոնք նախօրեին պատանդ էին ընկել լիբիացի ապստամբների մոտ, ազատ են արձակվել:
Комсомольская правда թերթի լրագրողներ Դմիտրի Ստեշինը և Ալեքսանդր Կոցն ազատ են արձակվել երեկոյան: Այս մասին հաղորդում է թերթի կայքը:
«21:30-ի սահմաններում Ալեքսանդր Կոցը զանգել է թերթի խմբագրություն և հայտնել, որ իրենց ազատ են արձակել: Դրանից հետո կապը նորից ընդհատվել է», այսօր գրել է թերթը:
Լրագրողներին ազատ են արձակել Բենղազիից, ուր նրանց բերել էին Աջդաբիայում ձերբակալելուց հետո: Բենղազիում նրանց հարցաքննել են: Ազատ են արձակվել նաև НТВ հեռուստաալիքի լրագրողները, որոնք նույնպես ձերբակալվել էին:
«Նրանց մոտ ամեն ինչ նորմալ է, նրանք արդեն հյուրանոցում են», RIA-Novosti գործակալությանն ասել է НТВ հեռուստաալիքի մամուլի ծառայության ներկայացուցիչը:
Ավելի վաղ Ռուսաստանի ԱԳՆ-ն լրագրողներին ազատ արձակելու խնդրանքով դիմել էր ՆԱՏՕ-ին և ՄԱԿ-ին, ինչպես նաև Լիբիայում իրենց հատուկ ջոկատայիններն ունեցող երկրներին:
