Silentnight ընկերության կողմից անցկացրած ուսումնասիրությունը ցույց է տվել, որ մարդիկ միջինը 8 ժամ 21 րոպե են քնում, իսկ էլեկտրոնային սարքավորումների դիմաց 8 ժամ 41 րոպե են անցկացնում: Հարցման մասնակիցների 81 տոկոսը գիշերները հեռախոսը չի անջատում: 10 մեծահասակներից և դեռահասներից 4-ը գիշերները արթնանում են հեռախոսի ձայնից և ստուգում այն, փոխանցում է The Daily Mail-ը:
Հարցվածների 51 %-ը առավոտից ավելի շատ ժամանակ է ծախսում էլեկտրոնային փոստն ընթերցելու վրա, 32 %-ը՝ արտաքին տեսքի, իսկ 18 %-ը՝ նախաճաշի վրա: Փորձագետների խոսքերով՝ շատ մարդկանց մոտ էլեկտրոնային սարքավորումների պատճառով նվազում է քնի որակը: Նախկին ուսումնասիրությունները ցույց են տվել, որ կապույտ գույնը, որն արտացոլում են գաջեթների էկրանները, խախտում է օրգանիզմի կենսաբանական ռիթմը:
Քնի երկարատև պակասը կարող է թուլացնել դիմադրողականությունը: Դրանից բացի, այն մեծացնում է սիրտ-անոթային հիվանդությունների, շաքարախտի հավանականությունը և բացասաբար է անդրադառնում սեռական առողջության վրա: Բացի այդ, քնի անբավարարության պատճառով մարդու մոտ կարող են հոգեկան առողջության հետ կապված խնդիրներ առաջանալ: Մասնագետներն առաջարկում են գաջեթներն անջատել քնելուց մեկ-մեկուկես ժամ առաջ:
Քնելուց առաջ համացանցից և սոցցանցերից օգտվելը ծանրաբեռնում է աշխատանքային հիշողությունը:
