Google ընկերությունը թողարկել է Calendar հավելվածն iOS հարթակի համար: Բոլորովին նոր հավելվածը կարելի է անվճար ներբեռնել App Store-ից: Հավելվածի գործառնությունը նույնական է, իսկ դիզայնը նման է վերջերս թողարկված՝ Android-ի համար տարբերակին։ Այս մասին հայտնում է hitech.vesti.ru-ն:
Android-ի համար ծրագիրը թողարկվել է անցած տարվա նոյեմբերին: Հավելվածն ունիվերսալ օրագիր է, որում բացի օրացույցից՝ տեղեկություն է հայտնվում իրադարձությունների մասին, օրինակ՝ Gmail-ի նամակներից հավաքված:
Նոր օրացույցը Material Design-ի Android ոճով է և կարողանում է տեղեկություն հավաքել iOS-ի ստանդարտ օրացույցից և այլ հավելվածներից:
Հավելվածն ունիվերսալ չէ, այնպես, որ iPad-ի տերերը պետք է կամ ծրագիրն օգտագործեն «ոչ ամբողջական էկրանով» ցուցադրման ռեժիմով, կամ սպասեն հարմարեցված տարբերակի թողարկմանը:
