Մի քանի տասնյակ իսրայելցի արաբներ միացել են ԴԱԻՇ-ին (Իրաքի և Շամի իսլամական պետություն): Այս մասին Իսրայելի պաշտպանության նախարար Մոշե Յաալոնն ասել է Իսրայելի պետական ռադիոյին տված հարցազրույցում:
«Մի քանի տասնյակ իսրայելցի արաբներ ընդգրկվել են ԴԱԻՇ-ի շարքերում ու մեկնել են Սիրիա և Իրաք՝ կռվելու»,- ասել է նա: Նրա խոսքով՝ «նրանցից ոմանք զոհվել են, մյուսները մեկնելիս կամ վերադառնալով՝ ձերբակալվել»: «Դա տարածված ֆենոմեն է իսրայելցի արաբների շրջանում»,- հավելել է Յաալոնը:
Նրա գնահատմամբ՝ ԴԱԻՇ-ի գաղափարախոսության տարածումն «իրականացվում է առանց դժվարությունների, այդ թվում՝ Իսրայելում», համացանցի միջոցով:
Երեքշաբթի ԴԱԻՇ-ը տեսանյութ է տարածել, որում երեխան իսրայելցի արաբի է սպանում, որը մեղադրվել է իսրայելական հետախուզության՝ «Մոսաադի» օգտին լրտեսության համար: Յաալոնը հերքել է այդ մեղադրանքները. «Այդ արաբը ոչ մի կապ չունի ո՛չ «Մոսաադի», ո՛չ Իսրայելի անվտանգության ապահովմանը ներգրավված որևէ այլ կազմակերպության հետ»,- ասել է նա:
