Բորիս Նեմցովի սպանությանը մասնակցություն ունենալու մեջ մեղադրվող Զաուր Դադարը հրաժարվել է խոստովանական ցուցմունքից և հայտարարել է իր անմեղության մասին: Այս մասին գրում է Korrespondent.net-ը:
«Անդադար բղավում էին՝ դո՞ւ ես սպանել Նեմցովին։ Ես պատասխանում էի՝ ոչ: Եվ ահա ես կարծում էի, որ Մոսկվա կբերեն, և ես միանգամից դատարանում կասեմ ողջ ճշմարտությունը՝ որ ես մեղավոր չեմ: Բայց դատավորն ինձ նույնիսկ խոսք չտվեց»,- հայտարարել է Դադաևը:
Այս մասին կասկածյալն ասել է «Լեֆորտովո» մեկուսարանում, երբ նրան են այցելել Հասարակական դիտորդական հանձնաժողովի անդամները: Նա, ինչպես նաև գործով մյուս երկու անցնողները՝ Անզոր և Շահիդ Գուբաշև եղբայրները, հայտնել են ծեծերի և կտտանքների մասին, որոնք կիրառվել են նրանց նկատմամբ ձերբակալման և Մոսկվա բերելու ժամանակ:
«Ձերբակալության ժամանակ ես ընկերոջս հետ էի՝ իմ նախկին ենթակա Ռուսլան Յուսուպովի: Եվ նրանք ասացին՝ եթե ես ընդունեմ (մեղքը), նրան բաց կթողնեն: Ես համաձայնեցի: Կարծում էի՝ նրան կփրկեմ և ինձ էլ ողջ Մոսկվա կհասցնեն: Հակառակ դեպքում ինձ հետ տեղի կունենար այն, ինչ (Բեսլան) Շավանովի: Նա իբր պայթել է նռնակի վրա»,- հստակեցրել է Դադաևը:
