«Առաջին լրատվականը» տեղեկացրել էր, որ Լիբանանի նախկին վարչապետ Սաադ Հարիրին Բեյրութում կայացած Լիբանան-Սաուդյան Արաբիա առևտրական համագումարի ընթացքում, Իրանին մեղադրել էր արաբական երկրների ներքին գործերին միջամտելու մեջ: Նրա հայտարարությամբ, Իրանի միջամտությունների արդյունքում արաբական երկրները վնասներ են կրել քաղաքական, տնտեսական ու անվտանգության ոլորտներում, որն ընդունելի չէ:
«Ազատություն» ռ/կ-ի պարսկերեն ծառայության փոխանցմամբ, Լիբանանի «Հիզբոլլահ» խմբակցության առաջնորդ Հասան Նասրալլահը, անդրադառնալով Սաադ Հարիրիի հայտարարությանը, ասել է. «Սաադ Հարիրիի որդեգրած դիրքորոշումը` տարածաշրջանում հենց ամերիկացիների որդեգրած դիրքորոշումն է, որի միջոցով փորձում են ապակայունացնել տարածաշրջանը ու արաբական երկրների միջև անհամաձայնություն սերմանել: Հարիրիի դիրքորոշումը այն դիմակն է, որը ցանկանում են դնել տարածաշրջանի ժողովրդական շարժումների դեմքին, որոնք փորձում են դուրս գալ ԱՄՆ տիրակալության լծից:»
