ՅՈՒՆԵՍԿՕ-ի գլխավոր տնօրեն Իրինա Բոկովան դատապարտում է ԴԱԻՇ-ի («Իրաքի և Շամի իսլամական պետություն») գրոհայինների կողմից Իրաքի տարածքում ասորական հնագույն Նիմրուդ քաղաքի ավերակների ոչնչացումը: Ria Novosti-ի հաղորդմամբ՝ այս մասին ասվում է կազմակերպության ուրբաթ օրը տարածած կոմյունիկեում:
«Ես ամենայն վճռականությամբ դատապարտում են Նիմրուդի ավերումը: Իրաքի ժողովրդի դեմ այդ նոր գրոհը ևս մեկ անգամ ցույց է տալիս, որ Իրաքում մոլեգնող բնաջնջումը չի խնայում ոչ ոքի և ոչինչ. այն վերաբերում է և՛ մարդկային կյանքերին, և՛ փոքրամասնություններին, և՛ ուղեկցվում է մարդկության հինավուրց ժառանգության համակարգային ոչնչացումով»,- ասել է Բոկովան:
Նա նաև նշել է, որ «մշակութային ժառանգության կանխամտածված ոչնչացումը ռազմական հանցագործություն է», և այդ շրջանի քաղաքական ու կրոնական առաջնորդներին կոչ է արել «պայքարել այդ նոր բարբարոսության դեմ»: Բոկովայի խոսքով՝ մարդկության մշակութային ժառանգության ոչնչացումը ոչ մի արդարացում չունի:
Այսօր ավելի վաղ հայտնի դարձավ, որ ԴԱԻՇ-ի գրոհայինները ոչնչացրել են Իրաքի տարածքում գտնվող ասորական հնագույն Նիմրուդ քաղաքի ավերակները:
