Դերասանուհի Մեգի Սմիթը կլքի «Դաունթոն աբբայությունը» սերիալը: Հաջորդ՝ վեցերորդ սեզոնը նրա համար վերջինը կդառնա, հաղորդում է Variety-ն:
80-ամյա դերասանուհին ֆիլմում խաղացել է գլխավոր դերերից մեկը՝ Վայոլետ Քրոուլիին: Ինչպես պատմել է ինքը՝ Սմիթը, նա սերիալը կլքի, նույնիսկ եթե հեղինակները որոշեն նկարահանեն ֆիլմի յոթերորդ սեզոնը:
«Չգիտեմ, թե ինչով կարելի է այն շարունակել: Նկատի ունեմ իմ հերոսուհուն: Նա կարծես արդեն 110 տարեկան է»,- կիսվել է դերասանուհին:
Մեգի Սմիթը մտադիր չէ ավարտել դերասանական կարիերան՝ նա այնքան կխաղա, որքան ի վիճակի կլինի:
«Չաշխատելը սարսափելի է, աշխատելը սարսափելի է, քանի որ անհասականալի է, օրը շարունակելու համար որտեղից կարելի է էներգիա վերցնել: Սակայն, ոչինչ չանելու դատարկությունը և ընկերների հետ բաժանության հետ համակերպվելը չափազանց է»,- ասում է Սմիթը:
