Ավստրալացի սենատոր Ջեքի Լեմբին նամակ է ստացել ֆիզիկական հաշվեհարդարի սպառնալիքով, եթե իսլամ չընդունի և չաջակցի Ավստրալիայում շարիաթի կանոնների հաստատմանը: Լեմբին փարաջան հասարակական վայրերում արգելելու օրենքի հեղինակն է:
Դաշնային խորհրդարանի անդամը հաղորդել է, որ հաղորդագրության հեղինակները խոստանում են հարձակվել իր վրա այն պահին, երբ ինքը դրան ամենաքիչն է սպասում:
Լեմբին նաև հաղորդել է, որ իրեն ուղղված սպառնալիքի մասին տեղեկացրել է երկրի ոստիկանությանը: