Հայաստանն ու Ռուսաստանը Հավաքական անվտանգության մասին պայմանագրի կազմակերպության շրջանակում կստեղծեն Ռազմաարդյունաբերական համալիրի համատեղ ձեռնարկություններ: Այս մասին RIA Novosti-ում կլոր սեղանի ժամանակ հայտարարել է կազմակերպության գլխավոր քարտուղար Նիկոլայ Բորդյուժան, որը օրերս է վերադարձել Հայաստան կատարած այցից:
Նրա խոսքով՝ Ռուսաստանի Ռազմաարդյունաբերական համալիրի ղեկավարների մասնակցությամբ՝ մեծ պատվիրակությամբ, Հայաստան իր այցի գլխավոր նպատակն էր մշակել միջոցառումներ՝ ուղղված հայկական ռազմաարդյունաբերական ձեռնարկությունների՝ Ռուսաստանի համանման ոլորտ ինտեգրմանը: Կստեղծվեն սպառազինության, ավիացիոն միջոցների վերանորոգման սպասարկման կենտրոններ և համատեղ ձեռնարկություններ՝ զրահատեխնիկայի ոլորտում:
Բորդյուժայի խոսքով՝ նախագահների կողմից ընդունված որոշումների շրջանակում նախատեսված է ստեղծել 8-9 համատեղ ձեռնարկություն: Նրա փոխանցմամբ՝ Հայաստան այցի ժամանակ հայկական ղեկավարության հետ քննարկվել են այն միջոցառումները, որոնք ուղղված են առաջնահերթ հանձնարարությունների լուծմանը: